ಎಸಿ ರೂಮಿನ ಒಳಗೆ ಕಾಲಕ್ಕೆ ಬೆಲೆ ಇಲ್ಲ
ಹಗಲು ರಾತ್ರಿಗಳೆಲ್ಲ ಒಂದೆ ಇಲ್ಲಿ
ಕಪ್ಪು ರಾತ್ರಿಗೆ ಇಲ್ಲಿ ಬೆಳಗಾದ ಭಯವಿಲ್ಲ
ಹಗಲ ಭೂಮಿಗೆ ಇಲ್ಲಿ ಬಿಸಿಲೆ ಇಲ್ಲ
ಹೊರಗೆ ಅಪರೂಪಕ್ಕೆ ಕೋಗಿಲೆಯ ದನಿಯಂತೆ
ಕೀ ಬೋರ್ಡ ಶಬ್ದದಲಿ ಒಂದೆ ರಾಗ
ಸೂಟು ಬೂಟಿನ ಒಳಗೆ ಸೆಂಟಾದ ದೇಹಗಳು
ಇವರೆಲ್ಲಾ ಮಗು ಬರೆದ ಚಿತ್ರದಂತೆ!
ಸಿಗ್ನಲ್ಲು ಟ್ರಾಫಿಕ್ಕು ಪಾರ್ಕು ಪಬ್ಬುಗಳಲ್ಲಿ
ಕಳೆದು ಹೋದವು ಇನ್ನರ್ಧ ವರ್ಷ
ಓಘ ಬೋಗದ ನಡುವೆ ಭಾವಕ್ಕೆ ಬೆಲೆ ಇಲ್ಲ
ಬದುಕೆ ಹೊಂದಾಣಿಕೆ ಇಲ್ಲಿ
ಇದು ಮಾಯಾನಗರಿ!
Saturday, February 16, 2008
Thursday, February 14, 2008
ಇಲ್ಲೊಂದು ದಿನ
ಬಚ್ಚಿಟ್ಟ ನವಿಲುಗರಿಯಲಿ ಕಂಡ ಮುಖವ ನೋಡುತ್ತಾ
ಮೆಲ್ಲಗೆ ನಕ್ಕರೆ
ಅದು ಪ್ರೀತಿ
ಮನದ ಬೆಳದಿಂಗಳಲಿ
ಉಸಿರಿನಲೆ ಕನಸ ಹಂಚಿಕೊಂಡರೆ
ಅದು ಪ್ರೀತಿ
ಒಲುಮೆ ದೀಪದ ಸೊಡರಲಿ
ಕ್ಷಣ ಕ್ಷಣವೂ ಹಿತವಾಗಿ
ಉರಿದು ಹೋಗುವುದು ಪ್ರೀತಿ
ಎಲ್ಲಿಯ ಮೂಢ ಜಗತ್ತು..
ಪ್ರೇಮದರ್ಚನೆಗೂ ಇಲ್ಲೊಂದು ದಿನ
ಮೆಲ್ಲಗೆ ನಕ್ಕರೆ
ಅದು ಪ್ರೀತಿ
ಮನದ ಬೆಳದಿಂಗಳಲಿ
ಉಸಿರಿನಲೆ ಕನಸ ಹಂಚಿಕೊಂಡರೆ
ಅದು ಪ್ರೀತಿ
ಒಲುಮೆ ದೀಪದ ಸೊಡರಲಿ
ಕ್ಷಣ ಕ್ಷಣವೂ ಹಿತವಾಗಿ
ಉರಿದು ಹೋಗುವುದು ಪ್ರೀತಿ
ಎಲ್ಲಿಯ ಮೂಢ ಜಗತ್ತು..
ಪ್ರೇಮದರ್ಚನೆಗೂ ಇಲ್ಲೊಂದು ದಿನ
Saturday, February 9, 2008
ಕೆಲ ನೋಟಗಳು
ಇನ್ನೇನು ತಲುಪಿದೆ ಎಂಬಷ್ಟರಲ್ಲೇ ಎಲ್ಲಾ ಮಾಯ...
ಅದು ಕನ್ನಡಿಯ ಮುಖ
ನಡಿಗೆ ನಡೆದಷ್ಟೂ ಇದೆ..
ಗಮ್ಯ ಗಮ್ಯಗಳಾಚೆ ಮತ್ತೊಂದು ಗಮ್ಯ!
***********
ನಾ ತೆರೆದ ಚಿತ್ರ ಮಂದಿರ
ತರತರದ ಮಂದಿ
ಅರೆಗಳಿಗೆ ನನ್ನೊಳಗೆ ಬಂಧಿ
ಜಗವೆಲ್ಲ ಮಾಯ
ಅರೆ ಗಳಿಗೆ ಕಳೆದು
ಖಾಲಿ ಪಟ, ಖಾಲಿ ನಾನು
ಮತ್ತೆ ತೆರೆವೆ
ಹೊಸ ಗಳಿಗೆ ಬರಲು!
ಅದು ಕನ್ನಡಿಯ ಮುಖ
ನಡಿಗೆ ನಡೆದಷ್ಟೂ ಇದೆ..
ಗಮ್ಯ ಗಮ್ಯಗಳಾಚೆ ಮತ್ತೊಂದು ಗಮ್ಯ!
***********
ನಾ ತೆರೆದ ಚಿತ್ರ ಮಂದಿರ
ತರತರದ ಮಂದಿ
ಅರೆಗಳಿಗೆ ನನ್ನೊಳಗೆ ಬಂಧಿ
ಜಗವೆಲ್ಲ ಮಾಯ
ಅರೆ ಗಳಿಗೆ ಕಳೆದು
ಖಾಲಿ ಪಟ, ಖಾಲಿ ನಾನು
ಮತ್ತೆ ತೆರೆವೆ
ಹೊಸ ಗಳಿಗೆ ಬರಲು!
Friday, February 8, 2008
ಬ್ಯೂಟಿ ಪಾರ್ಲರ್ ಹುಡುಗಿ
ಅವಳು ಬ್ಯೂಟಿ ಪಾರ್ಲರ್ ಹುಡುಗಿ. ಸಿಮೆಂಟ್ ಬಣ್ಣದ ಪ್ಯಾಂಟ್-ಶರ್ಟ್, ಅದರ ಮೇಲೊಂದು ಚೆಕ್ಸ್-ಚೆಕ್ಸ್ ಏಪ್ರಾನ್. ಕರ್ರಗಿನ ಮುಖ, ಮೊಡವೆ ಮುಖ, ಕೂದಲ ಮುಖ... ಆಕೆಯ ಕೈಯಲ್ಲಿ ಅವೇನೇನೋ ಮುಖಗಳು... ಸ್ಟೆಪ್ ಕಟ್, ಯು-ಕಟ್, ಫೆದರ್ ಕಟ್ ಅನ್ನುವ ಕೂದಲುಗಳು. ವ್ಯಾಕ್ಸ್ ಮಾಡಿಸುವ ಕೈ-ಕಾಲುಗಳು. ಫೇಶಿಯಲ್, ಬ್ಲೀಚಿಂಗ್, ಮಸಾಜ್ ಅನ್ನುವ ದೇಹಗಳು.. ಲೇಡಿಸ್ ಕ್ಲಬ್ ನಲ್ಲಿ ದಿನವಿಡೀ ಕೂರುವ ಬಂಗಾರದಂಗಡಿಯಂತಹ ಹೆಂಗಸು, ಹೈಸ್ಕೂಲ್ ಗೆ ಕಾಲಿಟ್ಟ ಹುಡುಗಿ, ಮದುವೆಗೆ ತಯಾರಾದ ಹೆಣ್ಣು ಎಲ್ಲರೂ ಬರುವುದು ಆಕೆಯ ಬಳಿಗೇ... ಎಲ್ಲಾ ದೇಹಗಳಿಗೂ ಸುಂದರವಾಗುವ ಚಪಲ. ಅವಳು ಬದುಕುತ್ತಿರುವುದು ಅದೇ ಚಪಲದಿಂದಾಗಿ...
ಬಂದ ದೇಹಗಳಿಗೆಲ್ಲಾ ಸಲಹೆ ನೀಡುತ್ತಾಳೆ. ತನ್ನ ಚರ್ಮದ ಬಣ್ಣ ಯಾವುದೆಂದೇ ಮರೆತಿದೆ ಆಕೆಗೆ.. ಎದುರಿಗಿರುವ ಕನ್ನಡಿಯಲ್ಲಿ ಮುಖವೇ ಕಾಣುವುದಿಲ್ಲ..
ಅವಳು ಬ್ಯೂಟಿ ಪಾರ್ಲರ್ ಹುಡುಗಿ!
ಬಂದ ದೇಹಗಳಿಗೆಲ್ಲಾ ಸಲಹೆ ನೀಡುತ್ತಾಳೆ. ತನ್ನ ಚರ್ಮದ ಬಣ್ಣ ಯಾವುದೆಂದೇ ಮರೆತಿದೆ ಆಕೆಗೆ.. ಎದುರಿಗಿರುವ ಕನ್ನಡಿಯಲ್ಲಿ ಮುಖವೇ ಕಾಣುವುದಿಲ್ಲ..
ಅವಳು ಬ್ಯೂಟಿ ಪಾರ್ಲರ್ ಹುಡುಗಿ!
Subscribe to:
Posts (Atom)